Cursus Taal en Cultuur van Zittert door Willy Dols Stichting

Foto: Willy Dols Stichting

Ouch dit jaor organiseiert de Willy Dols Stichting eine cursus wo-in Zittert mit zien taal en cultuur centraal sjtaon.

Mer ’t is veur ’t eesj dat ‘r begónne wurt mit 2 types van cursusse, nl. eine basiscursus en eine vervolgcursus.

De basiscursus

In deze cursus leert me ómgaon mit de sjriefwies (de sjpelling). Mer neit allein dat óngerdeil natuurlik! Dao kómme vanzelfsjpraekend ouch zakes aan de orde die te make höbbe mit ’t Zittesj en zien sjtructuur: wie zit die taal eigelik inein? Wie is bv. de relatie tösje ós dialek en ’t Nederlands?

Vanzelfsjpraekend waere d’r ouch tekste in ós dialek gelaeze: gedichte, proza en zakelike tekste. Eine alleraardigste basis voor deze cursus – mer zeker gein veurwaarde! – is de Sjtoumcursus van ’t Zittesj dae Veldeke Zitterd organiseiert.

De vervolgcursus

Wie de naam al zaet, is deze cursus ’n vervolg op de basiscursus. Haet me dae gevolg óf haet me los daovan voldoende basiskènnis, dan kènt me aan deze cursus deilnumme.

Natuurlik wurt d’r deiper ingegange op de Zittesje klankwètte en sjtructuur van ós taal. Daonaeve make veer ouch in grote liene kènnis mit de óntwikkeling van vruiger pès noe toe.

En vanzelfsjpraekend laeze veer (lestiger) tekste en oefene veer taeves ós henjigheid in ’t sjrieve van tekste.

Gegaeves van dees 2 cursusse

  • Daag: dónderdigaovend
  • Plaatsj: Trevianum (ingank Haviksjtraot);
  • Lèsse: van 19:30 oer pès 21:30 oer, mit ein pous
  • Data: 3, 10, 24 en 31 oktober en 7, 14 en 21 november(aafsjloeting).
  • Köste: 40 euro (inclusief lèsmateriaal);
  • Betaling: sjtorting op raekeningnr. NL95RABO 0107 3030 43 óf kóntant oppe eesjte cursusaovend;
  • Mee infomatie via (046)4517203
  • Aanmelje: [email protected] óf [email protected]
'

Reacties

article
171282
Ouch dit jaor organiseiert de Willy Dols Stichting eine cursus wo-in Zittert mit zien taal
https://sittard-geleen.nieuws.nl/nieuws/20190912/cursus-taal-en-cultuur-van-zittert-door-willy-dols-stichting/
2019-09-12T10:12:28+02:00
https://cdn.nieuws.nl/media/sites/305/2019/09/11181547/gruin-buikske-van-t-zittesj.jpg
Cursus Taal en Cultuur van Zittert, Willy Dols Stichting
Nieuws