Oppe zaoterdig veur de Kènjeroptoch – dit jaor op zaoterdig 11 fibberwari – is vanaaf 15:30 oer de Zittesje de TOP111 weier te heure op Radio Nónnevot!
Aangevange wurt mit de door ’t volk gekaoze nómmer 111 óm zo door d’n daag op te klömme pès de nómmer 1 van 2023.
Jao dan wurt ’t Vastelaovend!
Via de nuuje app van Radio Nónnevot kent geer gans gemaekelik eur sjtöm oetbrènge en eur eige 11 favoriete vastelaovesleidjes oetkeize. Same mit alle anger vastelaovesgekke sjtèlt geer zo de nuuje TOP111 van 2023 saame. Download de nuuje Radio Nónnevot app en laot Radio Nónnevot weite welke leidjes eure favoriet zeen!!
Nuut dit jaor is dat geer live bie de oetzending van de Radio Nónnevot TOP111 kènt zeen! De eindsjpurt van de allerbèste 33 nómmesj waere naamelik live geprizzenteierd door Tom Jessen vanoet ’t TOP111 Café in ’t Sjterfhoes.
Vanaaf 19:00 oer zeet geer van harte wilkóm bie dees finale! De Marotte Zitterd zulle mit Sjtadsprins Ruud II hun opwachting make, Rdio Nónnevot zörg weier veur leuke interviews en gaeve de aller- allerlètste 22 polsbendjes weg veur ’t Kanón van ’t Balkón! Dus loester nao de finale van de TOP111 en maak kans op die allerlètste bendjes.
’t Belaof eine ganse gezèllige en muzikale aovend te waere wo de richtige Zittesje nónnevotte natuurlik neit zulle óntbraeke. Róndj 23:00 oere zulle veer bie de lètste 3 nómmesj aankómme en krig dit sjpektakel ein ènj mit ’t oetroupe van de wènner van de TOP111 2023!
Wie kènt geer sjtömme oppe TOP111?
- Download de Radio Nónnevot App veur iOS of Android
- Gank via ’t menu nao Sjtöm oppe TOP111
- Zuik dien 11 leidjes in de lies of via de zuikbalk
- Klik op ’t hertje naeve ’t nómmer
Sjmiet uch richtig in de Vastelaovend en sjloet op 11 fibberwaarie aan bie Radio Nónnevot in ’t Sjterfhoes!
