De dialeksjriever en -dichter John Hertogh (1949) geit op ziene 75e verjaordaag zien viefde buikske: EINE POES BLOUME in ’t Zittesj pubiiceiere.
Verhaole en gedichter en nog vaöl mee. In ’t veurwoord sjrifhae: “Zuug’t wie eine poes bloume, geplök in ’t veldj en wei; sommige zeen gans frisj, angere al get versjlak… mit anger weurd nuje en awwere sjtökskes”.
Op de achterkantj sjteit: “Soms óntroerend, mer meistes mit ein pitsjuigske, nump hae uch mit nao ein welt die gans herkènbaar is”.
De ómsjlaag en teikeninge zeen gemaak door Jan Ruigt. ’t Is ein oetgaaf in de © Veldeke Krènk Zitterd reeks.
’t Bouk (165 pagina’s A5) lik op 8 meert in de boukhanjel van Wim Krings oppe Bandjsjtraot in Zitterd.
De offisjieel presentatie wurt gehawte op Sint Joep, 19 meert, in ’t Mariapark op de Awwe Mert in Zitterd. Ouch dao ként geer ’t bouk aansjaffe. Es geer dat tösje 14:00 oer en 16:30 oer doot, krig van de sjriever zelf, es geer dat wilt, ein perseunlik weurdje in eur aangesjaf exemplaar!
