Doot mit aan Platbook 11!
Platbook is ein serie dialekbuikskes veur Limburgse dialeksjrievers- en laezesj. Deil 11 van de Platbook-reeks wurt 11 november, aan 't begin van 't nuuje vastelaovessezoen, geprizzenteierd.
Limburgse sjrievesj die sjrieve in 't Limburgs kènne eige werk insjikke euver 't thema Vastelaovend: 'n eige gedich, verhaol, prozagedich, dialoog of korte toneelsjets van maximaal 550 weurd. Humor, vaste, nostalgies, futuristies, gesjmink en óngesjmink, 't ciefer 11: alles kènt, mits 't thema in de tèks is verwirk op ein zo literair muigelikke maneier.
Platbook 11 krig als redacteur nemes minder es gouverneur Theo Bovens . Hae maak ein keus oet 't ingesjikde werk en sjtèlt de inleiding same.
Tèkste kènne pès 1 september via ein e-mail aan waere aangeleverd bie Uitgeverij TIC.
Ès dien werk wurt gekaoze, krigs-te 'n oetneudiging veur de prizzentase en ein buikske Platbook 11 gans veur niks. Gouverneur Theo Bovens is ein begeisterd sjpraeker van 't Limburgs en dreug buikoetgaves in 't Limburgs en sjpeciaal 't projek Platbook ein werm hart toe.
