Kaartverkoop Vrouwluujzitting Flanèlle Lèpkes start over twee weken
De Flanèlle Lèpkes is een Sittardse vrouwencarnavalsvereniging én een vriendinnenclub die wel van een feestje houdt. Een van die feestjes organiseren ze met veel plezier zelf: de jaarlijkse Vrouwluujzitting.
In een kort interview proberen we een tipje van de sluier opgelicht te krijgen over de komende Vrouwluujzitting en het geheim achter het succes dat de Flanèlle Lèpkes daarmee jaar op jaar weten te boeken.
Wanneer wordt de eerstvolgende Vrouwluujzitting gehouden?
De eesjvolgende edisie wurt gehawte op zóndig 13 jannewari 2019. Dat is dan de 24e Vrouluujzitting van de Flanèlle Lèpkes.
Wat is ditmaal het thema?
Veer gaon dit jaor es crew aan baord van ein van de cruisesjepe van de vloot van de Flanel line, deHMS Royal Pacific Flanel Lèpkes Sink Diffrent. 't Sjeep lik op dat moment in de vertoewde have van de buurt Kollenberg, Park en omgaeving, biej de fanfarezaal in Leyebrouk.
Hoe laat begint het spektakel?
Boarding
- 't aan baord gaon - kènt vanaaf neuge oer ('t sjmörges) en de deure nao de zaal van oos Captainsdiner gaon róndj ein oer of teen aope. 't Program begint róndj de klok van ellef oer. Aangezeen de cruise nao alle waorsjienlikheid volgebouk zal gerake verzuike veer de maedjes óm de begaasj (laes foeraasj of aeteswaar) te beperke pès wat me zelf kent verhapsjtökke, en neit veur 't ganse sjeep en de bemanning vouer mit te sjleipe.
Hoe laat is het feest voorbij?
Ruum ein oer veur 't sjeep (zo róndj ein oer of drie 't sjmiddigs) weier aanmeert aan de kaai geit de havekroeg aope. Dao kenne de mansluuj zich verzamele óm zich moreel gereid te make óm hun aan leger wal geraakde maedjes weier op te haole.
Wat staat er zoal op het programma?
Euver de artiste aan baord kènne veer - sjus wie al die anger jaore - niks vertèlle. Dat is missjiens waal ein van de grote geheime van de vrouwluujzitting en zeen veer daoveur al 23 jaor sjtief oetverkoch. Veer make de luuj nuujsjierig, versjtaon ós en deile zelfgemaakde medajes oet aan ós artiste. Veer make veural sjpas, numme ószelf neit al te serieus en perbeiere ummer get nuuts.
Welke van de 23 tot nu toe georganiseerde Vrouwluujzittinge was de beste?
Ós beste zitting is denke veer de allereesjte gewaes. Dao höbbe veer d'n toon gezat. Mit väöl sjtómme kal en sjaele zeiver, ein vastelaoveshart, tweede- en driedehandjs pèkskes, grote betrókkenheid van eige (mans)luuj, get angesj es angesj en heel väöl plezeier en enthousiasme zeen veer in 1996 begoosj. Eine gróp enthousiaste vastelaovesgekke mit ein grote achterban en eine hoge gunfactor… Óm d'r mer ens eine 'one-liner' taegenaan te sjmiete: "Vastelaovend geit neit om ein patsj mer om dat waat drónger zit!".
Wanneer start de kaartverkoop voor de Vrouwluujzitting?
Dit jaor sjtart de veurverkoup op zóndigmiddig 16 december óm 14:00 oere bie Ich & Dich oppe Mert in Zitterd. Veer verwachte in korte tied weier ram oetverkoch te zulle zeen!
De kaartverkoop is altijd goed voor chaotische en komische taferelen. Hoe gaat dat dit jaar?
Allereesj wille veer kwiet dat veer meer dan greutsj zeen oppe vrouwluuj die zich jeder jaor opnuuj de muite doon óm aan kaarte veur ós Vrouwluujzitting te kómme. Veer perbeiere dat ouch zo goud en eerlik muigelik te laote verloupe. 't Enthousiasme van de maedjes en de sjtried óm kaarte haet zich aevel de letste jaore ummer wiejer verplaatsj nao de nachtelijke oere wobie óngertössje 3 generaties vrouwluuj zich verzamele om aan ein nummerke te kómme veur de veurverkoup.
't Sjone hie-aan is dat DE nummerkes ein prachtig intitiatief is van maedjes van 't eesjte oer en dat die vanzelfsjpraekend dan waal ónmiskenbaar door jederein waere gerespecteierd. Aangezeen de Flanèlle Lèpkes grotendeils zellef van de eesjte generatie zeen kènne zie zich veursjtelle dat dat neit veur jederein aeve fein is.
Veurig jaor waar 't al nao sjloeting van de zaoterdigaovend/nach biej Ich & Dich eine chaos op 't terras en höbbe veer van heel väöl luuj 't verzuik gekrege óm dit angesj te organiseiere.
Dao höbbe veer haer geloesterd, en in goud euverlèk mit ónger angere d'n oetbater van Ich & Dich en de maedjes vanDE nummerkesaafgesjpraoke datdit jaor neit eerder es óm 08:00 oerDE nummerkes oetgedeild waere biej Ich & Dich. D'r zeen breudjes, me kènt dan bènne en ouch 't terras is verwèrmp. Op dees meneier haope veer ouch van de veurverkoup, dae ouch al jaore ein feeske op zich is, weier eine sjoone daag veur jederein te kenne make.
De officiële verkoup van de kaarte veur de Vrouwluujzitting begint dan wie geweunlik óm 14:00 oer.
