Ein bein twee bein. Ein paerd twee paerd. Eine sjtein twee sjtein. ’t Versjil kènt geer hie neit zeen mer waal heure, goud heure: eine sjtein (sjleiptoon) en twee sjtein (sjtoottoon).
Neit dialeksjpraekesj höbbe dao soms muite mit.
Sjtein
Wiejer mit sjtein: Eine reinsjtein of sjeidsjtein is eine grenssjtein. Daomit woort aangegaeve wie wied of dien sjtök landj leip. Me haw ’t ouch euver de paol: Es veer same doon, kènne veer d’n toen (afrastering) oppe paol zètte. Veer kènne natuurlik de oetdrökkinge: Laot ‘m mer ’s op eine blawwe sjtein pisse, dan kuilt ‘r aaf, en hae klaag de sjtein oet de gróndj of bie sjtein en bein zjwaere.
Hardsjtein wurt Neemsje (Naamse)en eemsje sjtein genuimp. Ich vónj bie ’t zuike de weurd sjteinberg, brik, klauw of klaw (grote kizzelsjtein) en sjievelsjtein. Dat is eine platte sjtein wo-s te goud mit koosj sjievele, (keile) euver ’t water.
Sjteingoud, dat beteikent neit erg goud, mer verglaasd aardewèrk. En eine keesjesjtein, (keesjekaer) is ein pit. Dus sjteinvruchte zeen fruit mit ein pit d’r in.
Ein sjteivigske waar ein bènneplaatsj of paad belag mit veldsjtein. Kump de Sjteivig (Steenweg)in Zitterd zo aan häöre naam?
Sjteinpaeke is ’t conserveiere door behanjeling mit tar of sjteinpek (soort asfalt) mit ein awd woord: braklak. Eine sjtevige, tejje en sjterke man nuimde me ouch waal ‘ne gesjteinpaekde.
Anger brigke zeen brik (baksjtein) en brikèt(gesjtamp kaolegruus).
Eine brik haet niks mit bric-à -brac te make. Bric-à-brac beteikent:ein verzameling aw en klein dènger zónger väöl waerd. Tensjlotte: ein sjtein-zjwaer of sjteinpuis haet niks mit sjtein te doon. Eine sjteinzjwaer is een acute, pienlijke óntstaeking van een haorzekske. In ’t Nederlands is dat eine furunkel . Es meer furunkels biejeinkómme, heisj dit een karbunkel ofte-waal neugeoug.
Pès de volgende maondj, mit de kómplimènte, John. Reacties:
[email protected]♦♦♦
- Blijf op de hoogte via Facebook of via
de nieuwsbrief, inschrijven onderaan deze pagina.
- Lokaal(pers)bericht of evenement insturen? Dat kan via [email protected].
Adverteren op
Sittard-Geleen.nieuws.nl? De bezoekersaantallen blijven stijgen, wat onder andere goed is voor de
zichtbaarheid van onze adverteerders. Wil jij je naamsbekendheid vergroten?
Wij denken graag met je mee om de reclame-euro zo optimaal mogelijk te
besteden. Door lokaal te adverteren op Sittard-Geleen Nieuws tegen een
concurrerende prijs! Neem contact op met Paul Storms via de telefoon:
06-22543972 of via de mail:
[email protected].
De nieuwsredactie is te bereiken via
[email protected].