Sjtoumcursus Zittesj

Veldeke krènk Zitterd zuut dèkser dat luuj twiefele wie ein woord gesjpeld mót waere in 't Zittesj. Veldeke Zitterd wilt uch dao gaer bie helpe en waal mit de Sjtoumcursus Zittesj.

Op ein leegdrempelige meneier wurt oetlèk gegaeve euver de sjpelling van 't Zittesj en wie weurd in 't Zittesj gesjreve mótte waere. Natuurlik conformeiert me zich hiebie aan de Sjpelling 2003 veur de Limburgse Dialecte.

De Sjtoumcursus vindj plaatsj op daensdig 18 april 2023 óm 20:00 uur bie De Limbourg oppe Mert. Deilname is gratis, mer wilt geer verzekerd zeen van ein plaatsj dan wurt veuraaf aanmelje aanbevaole. De cursus wurt verzörg door Patrick Werdens, secretaris van Veldeke krènk Zitterd.

Aanmelje veur de Sjtoumcursus kènt via [email protected] . Bedènk waal: vol=vol.