Van Kul Pés Kultuur: Van vekans en vane
Zo, höb geer ouch ein sjoon vekans gehad? Ich waal. Der Akku oftewaal de batterie/bougie is weier opgelaje in ein korte wanjelvekans in de Eifel. ’t Wurt ouch alweier drökker oppe sjtraot en in de sjtad.
D’r zeen al väöl luuj trök. En noe kènne veer ós opmake veur de St. Rosaprocessie, de vieringe bie de kapel en ouch ’t Rosafestival in de bènnesjtad, op ’t festivalterrein, ‘t theater en de Sjpeigeltent oppe sjootsveljer.
Die sjootsveljer hawwe in de Middeleeuwe de functie óm vrie zicht te höbbe róndj ein vesting. Óm die rae moch dao neit geboed waere. Nao de verwuisting van ein groot deil van Zitterd in 1677 koum ein ènj aan de functie van Zitterd es vestingsjtad en woorte de sjootsveljer es volkshäöfkes gebroek en ouch de kloosterhäöf aangelag. Dat zuut ‘r in dezen tied noe goud oet. En…ich höb de vaan ouch al oetgesjtaoke. Veur wae die neit zou kènne:
Noe
en vruigerDees Zittesje ‘nuuj’ vaan besjteit saer 2001 en deint ter vervanging van de aw mit ‘t zjwarte sjlangekopkruuts. Ze haet eine blawwe óngergróndj en leet in de midde ein gael sjlangekopkruuts zeen. Dao-in eine witte sirkel mit ein rooj roos. Sjoon toch? Veural in de maondj augustus hink hawf Zitterd vol mit dees vane. Ich mein dat veer dees vaan te danke höbbe aan de kulturele vereiniging De Mander.
De (in-)offisjele vane van Gelaen zouge d’r zo oet:
Tensjlotte vónj ich ouch nog de vaan van Zitterd-Gelaen zo wie ze bie ’t sjtadhoes, sjtadskantoor of ‘t gemeintehoes hink. Zo noe zeet geer weier get biegekald euver ós vane.
Pès de volgende van KUL pès KULTUUR, euver ein waek of drie. 😉
Mit de kómplimènte, ©JohnHertogh
