Van Kul pès Kultuur: Waat ein waer...

Dat zóng Sjra Puts jaore gelege al. Dao mót ich ummer aan dènke bie ’t waer wie veer dat lèts höbbe gehad.

’t Joog róndjom ós ap-partemènt, de plentjes op ’t balkón woorte óngevraog verplaatsj en de terrassjtuil van de euverkantj louge bekans midde oppe sjtraot; gelökkig zeen alle buim in de buurt gesjpaard gebleve.

De Oktoberfeespaviljoens, (aet-)tente en de kirmes zeen gelökkig al opgeruump. Jaomer dat de prechtige Laevende Beelde in de bènnesjtad zoväöl wèndj en raege mouste vange. Mer groot respek veur de luuj die dao sjtónge en fejn dat ‘r toch väöl bekieks waar.

Op nao de volgende festiviteite. Te beginne mit ’t Groot Zittesj Dictee dat veur de 11e maol wurt georganiseierd door Veldeke Zitterd. Dits keer haet Jan Sjrieje, Zitterder en awdburgemeister van Venlo en Valkeberg ’t gesjreve en hae zal ’t zelf voorlaeze! Wienee: gounsdig 28 okt. Wo: De Vief Heringe. Aope vanaaf 19:00 oer en ’t dictee sjtart om 19:30 oer. Mitdoon? Gans veur niks. Rizzerveier ein plaetsjke via [email protected]. En es geer zónger rizzerveiering wilt mitdoon, kènt dat ouch, mer dan mót geer haope op ein vrie plaatsj! Väöl sukses veur alle deilnummesj.

De krisverseiering hink ouch al in de bènnesjtad. Ómdat ’t vruiger duuster is, is ’t de muite waerd óm nao die verseieringe en kiekoete (etalages) te gaon kieke. Ich sjpich mich op dae gezèllige tied, de sjlenterende luuj, de kómmende feeste zo wie Sinter Maerte, Sin-terklaos, de Alaaftrap oppe Mert en ouch de sjoon herfswanjelinge door en róndj ós sjoon sjtedje. En…Vergaet neit bietieds Radio Nónnevot aan te zètte!

Mit de kómplimènte, John. Reageiere: [email protected]

Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?

Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].

De nieuwsredactie is te bereiken via [email protected].