Van KUL pès KULTUUR, ein sjtökske Zittesj van mich veur uch: Krisboum

captainmk Pixabay

Veer höbbe al jaore dezelfde krisboum. Neit oet d’n haof mer van op ózze zölder. ‘t Kos get muite óm häöm via de vlizotrap nao ónger te kriege, mer dat höb ich d’r gaer veur euver.

Zo eine kunsboum haet toch zien veurdeile. Ich houf neit jeder jaor mit de wage ‘ne nuje boum te gaon koupe. Sjpaart benzien en oetzuiksjtress. Natuurlik ruuk ózze boum neit nao boete, mer ich höb ouch gein las van naolje in de bak van de wage of in de kamer, ich houf ‘m gein water te gaeve en kèn ‘m zo lang laote sjtaon es ich mer wil. Meistes pès Driekeuninge!

Krissjtal

Behawvw Maria, Josef en ’t kèndj, höbbe veer natuurlik ouch ‘ne os en aezel en get sjepesj mit sjäöp èn de drie keunige. Oorsjprónkelik hawwe veer geine kemeel en ouch geinen èngel. Oppe Weihnachtsmarkt in Aoke höbbe veer die gevónje.

Allein… de kemeel is ‘ne get klein oetgevalle dromedaris gewore en d’n èngel mót ich mit ‘ne satéprikker vasmake, dae wilt waal ’s dèkser valle. ‘ne Vallende èngel bèn ich nooitsj in ’t krisverhaol taege gekómme, ein vallende sjtar waal! Veur de sjepesj en ’t vee höbbe veer nog ein flikkkerend lempke gekoch, dat ein vurke mót veursjtèlle. De drie keuninge en de kleine dromedaris sjtaon get op afsjtandj sjeloes nao dat vurke te kieke. Mer hunnen tied kump nog.

Toon

De aafgeloupe waek zeen veer nao ’t Toon Hermanstheater gewaes, nao t pregram Kolder, in de voetsporen van Toon. Veer hawwe gelök dat veer oppe wachlies sjtónge en daodoor nog sjus 2 kaarte krege. Oppe driede rie. Een prachtig pregram mit de gaste es Youp van ’t Hek dae de Toon Hermans pries kreeg, Herman Finkers, Toons kleindochter Gemma, Herman van Hove en Camille Oostwegel en oze eige Jan van Daal. Gevuilige meziek gezónge door Lissa Meyvis en Cyrille Niël.

(Kris-)wunsje

Ich wunsj alle laezesj van mien sjtökskes, verhaole en gedichter alvas sjoon, röstige

Krisdaag, ein gouwe roetsj en ein gelökzelig 2026. Danke ouch veur ’t laeze en eur vraoge en op- of aanmirkinge! Pès in 2026.

Reageiere? Mail nao [email protected]

♦♦♦

· Blijf op de hoogte via Facebook, X of via de nieuwsbrief, inschrijven kan ook onderaan deze pagina.

· Lokaal(pers)bericht of evenement insturen? Dat kan via [email protected].

Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?

Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].

De nieuwsredactie is te bereiken via [email protected].