Van KUL pès KULTUUR, ‘n sjtökske ZITTESJ van mich veur uch: April deit waat ‘r wil

Get waersjpreuke, die me neit zo dèks heurt: April, kawd en werm, geine boer wurt daovan erm. Of: Aprilraege, boerezaege.

Of: Aprilvlökskes gaeve meiklökskes. Ouch: Getrouwd zeen is wie de maondj april: zón, sjtórm, daonao weier sjtil. En deze kènde ich zelf neit: Es de hounder kakele lang en goud, zal ’t raegene in euvervloud.

Ein Franse waerspreuk zaet: "Paques au balcon, Noël au tison", waomit gemeind is dat es ‘t waer te zacht is mit de Paosje, dat me dan Krismes veur de kachel doorbrèngk.‘t Woord Paosje kump via ’t Aramese Pascha van ’t Hebreeuwse Pesach.

1 April: tied voor aprilmoppe. In het Frans heisje die "poissons d'avril", ómdat ze dan pepiere vösje oppe rök van anger plekke luuj. In Groot-Brittannië zaet me "April Fool's Day". Op Menorca, wurt de Dia d'en-ganyar (Gekkendaag) ouch op 1 april gevierd. In Vlaanderen sjprik me euver Verzenderkensdag. Op dezen daag waere dèks luuj gesjik óm get te haole waat neit besjteit, zo wie ein plintelödderke of óm eine water-pas te gaon völle. 

Door de Paosje zou ich bekans de KULTUUR in dit sjtökske vergaete. Zaoterdig 4 april woort de Kennedymarsj in Zitterd gehawte. Dae sjtarde oppe Awwe Mert en góng dan via Pey, Postert, Maasbrach, Thoer, Deitere en de mert op de Nuusjtadt nao de Mert van Zitterd. Höb geer ‘m geloupe of bekeke? ’t Waar gezèllig bie de finish.

Ouch neit vergaete: kómmende zaoterdig de 18e kump Veldeke Limburg op Paad nao de Jardin dÍsabelle in Zitterd. Van 15:00 pès 17:00 oer Traeje dao o.a. Skinnie en Lizette Colaris op en d’r is ouch eine dialekkwis. Gratis toegank!

Daonao kènt geer nao  de viefde editie van Zitterd Sjittert!  Dits keer Ónger de 2 Tores oppe Bremsjtraot in Sanderbout-Zitterd, in de vruigere Gemmakirk dat noe ein MFC, ein Multi Functioneel Centrum is.

En natuurlik viert Zitterd ouch Keuningsdaag op 26 en 27 april. Dat wurt gevierd in de bènnesjtad, op de Sjootsveljer en in ós sjoon Sjtadpark.  Wilt geer mee weite: koningsdagsittard.nl   Ammezeieer uch.  Pès de volgende van KUL pès KULTUUR, dae kump euver ong.4 waeke,

Mit de kómplimènte, reacties: [email protected]

Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?

Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].

De nieuwsredactie is te bereiken via [email protected].