Van Kul pès Kultuur: Op wae geiste sjtömme?

SGN

Mien vaste laezesj weite dat ich wenig op höb mit pollletik. Mer wie ich de lange kandidatelies veur de verkeizing van de leje van de Tweede Kamer der Staten Generaal in keiskrènk 19 Mesjtreich, wo-ónger Zitterd-Gelaen vilt, bekeek, koosj ich ’t toch neit laote ein sjtökske dao-euver te sjrieve.

D’r sjtónge in totaal, es ich mich neit vertèld höb, 1030 luuj op wo-op veer kènne keize. Verdeild euver 23 pertieje. Gank d’r mer aan sjtaon. Twee van de kandidate hawwe Zitterd achter hunne naam sjtaon, twee Gelaen en eine Zitterd-Gelaen! Volges mich mótte die ’t eesj èns waere euver hun woon-plaatsj. Die vief luuj zeen euveriges zoget ein hawf percent van alle kandidate. Ich wil gein sjtömadvies gaeve, mer este op emes uit dien eige gemeinte wils sjtömme höbs te toch waal wenig keus…

Sjtömburo

Mer, es te op zuik mós nao ein sjtömburo, kèns te väöl kenj oet: d’r zeen 46 plekke in ós gemeinte wo me haer kènt: van ’t Sjtadhoes van Zitterd pès Café Aurora in Beeg. Perseunlik vènj ich ’t jaomer dat ‘mien awd sjeulke’ in Leije-rouk ( veurhaer Pius XII en basissjool Leijebrouk en saer einen tied ómgeduip tot kèndjcentrum Carré) gein sjtömburo mee is. Dao koume de luuj van de buurt dèks sjtömme en daonao tróf me zich ouch óm get mitein te klasje-neiere. Noe mót ich mer aafwachte of ich nog get naobere taegekóm.

Ónger ’t sjrieve van dit sjtökske voul mich dees herinnering in: ‘t Zal in de 60-er jaore zeen gewaes dat veer op zóndig nao de kirk gónge. Meistes in de zóndigse kleier, in kestuum dus. Ómdat mien vrunj en ich nogal groot gewassen ware, sjprouk ós nao de mès eine bekènde Euverhaovese politicus oet daen tied aan en gouf ós alle drie ein sigrèt mit de weurd: “Es geer gaot sjtömme, dènk geer dan ouch aan mich?”

Veer begrepe häöm eesj neit, mer sjtouke de sigrèt bie ós en leipe door. Veer ware nog gein zösteen en wóste niks van polletik en roukde ouch nog neit... Saer daen tied is mien wantroewe in de polletik allein mer gegruid. En volges mich terech. Ich sjnap ummer nog niks van polletik en rouke doon ich ouch neit mee. Tensjlotte, ich höb toch ein advies: Gank estebleif waal sjtömme, keus zat!

Pès de volgende van KUL pès KULTUUR. Mit de kómplimènte van John.

♦♦♦

· Blijf op de hoogte via Facebook, X of via de nieuwsbrief, inschrijven kan ook onderaan deze pagina.

· Lokaal(pers)bericht of evenement insturen? Dat kan via [email protected].

Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?

Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].

De nieuwsredactie is te bereiken via [email protected].