Van Kul pès Kultuur: Sjtoptober

Oktober is gesjtop. En mit rouke bèn al jaore geleje gesjtop, naodat miene awdste zoon oppe legere sjool lès euver rouke haw gehad.

Hae koum thoes mit de zin: van Pap höbbe veer neit lang, dae rouk toch ummer sigrètte. Doe höb ich de tuut shag en riespepiere vloeitjes metein weggesjmete en noots meer ein segrèt, segaar of piep gerouk. Vruiger zag me óm rouke goud te kalle waal ‘s: Ruikvleisj bedurf neit zo gaw. Noe wit me baeter.

De reklaam veur de verkeizinge is ouch gelökkig gesjtop. Veer höbbe gein nae/nae plekplaetje oppe deur, mer höbbe toch mer wenig polleitikke reklaam gekrege. Baeter veur ’t milieu? De RWM kump dees waek de kertóng en ’t awd pepier ophaole, mit die reklaam. En dat terwiel ’t eigelik gein ‘awd’ pepier is. Nog gein waek awd, toch?

Wie ich al eerder sjreef: euver polletik sjrief ich neit gaer. Daoróm ouch niks euver d’n oetsjlaag van de verkeizinge. Allein bèn ich bliej dat ‘r toch nog väöl luuj gesjtömp höbbe.

Dit sjtökske heisj neit veur niks van KUL pès KULTUUR. Waat kultuur betruf: waat ein prechtig kónsèr van de Paek (veur de Hollenjers: harmonie St. Joseph - Sittard) höbbe veer geheurd en gezeen. Patsj aaf veur Björn Bus en al zien muzikante. Houndervel!

Sjoon ouch dat Piet Deeder de gouwe eresjpang van Veldeke Limburg haet gekrege. Dik verdeind Piet! En ouch eine dikke perfisiat veur Frank Zinken dae ’t Groot Zittesj Dictee haet gewónne.

Höb geer goud Halloween gevierd? Ich laot mer in ’t midde of dat kultuur of kul is! Op 11 november Sint Maerte én ’t begin van ’t vastelaovessezoen én ouch de sjtart van Radio Nónnevot; de inkóms van Sinterklaos is op de 15e en op daezelfden daag saoves oppe Mert de Alaaftrap. Mer véúr daen tied sjrief ich mesjiens nog waal ein nuut sjtökske!

Pès de volgende van KUL pès KULTUUR. Mit de kómplimènte van John.

Reageiere? Mail nao [email protected]

·         Blijf op de hoogte via Facebook, X of via de nieuwsbrief, inschrijven kan ook onderaan deze pagina.

·         Lokaal(pers)bericht of evenement insturen? Dat kan via [email protected].

Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?

Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].

De nieuwsredactie is te bereiken via [email protected].