Jeugprinses Renée regeert euver ‘t Louverriêk in 2026!

Buchten/'t Louverriêk - Op zaoterdigaovend 10 jannewari waor de ummer gezellige prinsoetreuping van De Louvermen.

Veur ’t tweede jaor op rie zeen op deze aovend alle hóaghede van De Louvermen tegeliek oetgerope. Veur de jeugd is dit jaor dees ieër veur Renée Offermans. Zie zal komend vastelaovessezoen gaon regere euver alle jonge "Louvermenkes en Louverwiefkes” es Jeugprinses Renée.

Jeugprinses Renée is ein dochter van Roger en Anouschka Offermans en haet eine broor dae loestert nao de naam Ruben. Ruben waor euverigens veurig jaor jeugprins in ’t Louverriêk. Same wone ze op Wieënbroek 26.

Renée haet al de nuëdige ervaring in het zeen van prinses. In 2019 waor zie namelik op 3 jaorige laeftied al prinses bie Allerleefste in Buchte!

Renée zit in groep 7 van basissjóal ‘Het Avontuur’. Normaal vundj Renée het mit de vastelaovend sjiek om geschmink te waere, maer noe zie prinses is hoof det neet te gebeure. Ein van de favoriete hobby’s van ozze jeugprinses is shoppen! Bie veurkeur deit zie dat in ein gróate stad.

Dao zal de komende periode get minder tied veur zeen, maer dat zal nao de vastelaovend ruimsjoots waere ingehaold! Van al dat shoppen krigs ze natuurlik honger en dan aete ze nao aafloup het leefste eine biefsjtök mit champignonroomsaus. Verder is Renée mit grote regelmaat te vènje bie manege Op de Berg in Pey wo ze sinds 2022 op ein paerd rit. Het leefste deit ze dit op her favoriete paerd Barcley.

Ouch deit ze nog gaer knutsele, teikene en ermbendjes make. Renée is verder eine fanatieke danser. Dat danse vundj ze het leukste om same mit vriendinne of anger kènjer op de bühne te doon. Dat zal deze vastelaovend in ’t Louverriêk dus zeker good komme!

·         Blijf op de hoogte via Facebook, X of via de nieuwsbrief, inschrijven kan ook onderaan deze pagina.

·         Lokaal(pers)bericht of evenement insturen? Dat kan via [email protected].

Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?

Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].

De nieuwsredactie is te bereiken via [email protected].