Prins Mike I en Prinses Jaimy regere euver ‘t Louverriêk in 2026!
Buchten/'t Louverriêk - Op zaoterdig 10 jannewari 2026 is Mike van Daal op een ongekènd spectaculaire meneer oetgerope tot Prins van ’t Louverriêk.
Same mit zien Prinses Jaimy zal hae ‘t komende vastelaovessezoen regere es Prins Mike I euver alle "Louvermenkes en Louverwiefkes".
Rasechte Louverman
Ozze nuje prins is enne rasechte Louverman. Naodet hae zien ieëste laevesleech hej gezeen in ‘t ziekehoes van Zitterd, is hae sjnel nao Buchte gekomme en is dao nóaijts mieë weggegange. Daomit leut Mike zeen ’t richtige ‘Louverblood’ door de aojere te höbbe sjtruime. Dat haet hae in 2009 ouch al beweze aan alle Louvermenkes en Louverwiefkes wie hae in det jaor jeugprins waor. Bie oos nuuj prinses sjtruim veur de hellef Louverblood door de aojers.
Jaimy woonde namelik ein gróat deil van höör jonge laeve hawf in Buchte en hawf in Bor. In 2019 is prinses Jaimy ingetroch in Buchte bie hööre prins, zien mam Jolanda en zösterke Indy oppe Savelkoulsjtraot. Veurig jaor höbbe ze dan ech de klommele bie-ein gesjmete en zeen ze same gaon wone op de Pastoor Petersstraot nummer 9. Dat ’t ware leefde is tössje os prinsepaar bliek waal oet ’t feit det ze dit jaor precies 11 jaor same zeen!
Prins Mike wirk bie Newtone, advies en accountancy. Hae hulp ongernumminge in’t zuuje van Nederlandj mit bedriefskundige vraogsjtökke. Vanoet deze financiële achtergrondj zal hae dus good weite om te gaon mit zien greune prinsepenningen.
Prinses Jaimy wirk in ’t dagelikse laeve bie de kredietbank.
Biezunjer actief
In hunne vrieje tied is os prinsepaar biezunjer actief. Prins Mike is veurzitter van Jong Nederland Buchte en draejt daonaeve ouch nog 2 groepen, ‘De Babbelaere’ en de jongste groep, maer die höbbe nog geine naam. Ouch Prinses Jaimy is bie Jong Nederland en haet dao de leiding euver de ‘Koetnaaze’.
Ouch zeen ze allebei lid van ‘De Poete’. Enne groep vrunj en vriendinne die same vastelaovend viere in ’t Louverriek. Ze zeen 11 jaor geleje ontsjtange wie Prins Paul V regeerde euver ’t Louverriêk en zie allemaol bie hööm in de groep zaote van JN. Ozze prins is van dees club de penningmeister. Wujer bemeujt hae zich gaer mit alles wo-onger de zomercarnaval of ’t sjlagerfest.
Ouch is ozze Prins Mike lid van de Sjötterie St. Joseph wo hae mit ’t gewaer löp in ein van de achterste rieje.
Revue en sport
Sinds jaor en daag speelt Mike mit in de Buchter Revue. Veur dees club sjrif hae ouch mit aan de sketches denk maer ens aan de sketch van ‘De drie here’.
Sport zit in de genen van Prinses Jaimy. Zie is fanatiek handbalster bie de veteranen/recreanten van Handjbalvereiniging Bor. Mesjien is oos prinses nog waal fanatieker es ze de wedstrieje van de trots van het zuiden, Fortuna Sittard bezeuk. Geine thoeswedsjtried geit höör langs de naas en ’t leefste geit ze ouch nog mit es Fortuna urges boete Zitterd sjpeelt.
Mit gróate regelmaat komp geer os prinsepaar op sjtraot in en rondj Buchte teage es ze aan de wanjel zeen mit hunne hondj Barry.
♦♦♦
· Blijf op de hoogte via Facebook, X of via de nieuwsbrief, inschrijven kan ook onderaan deze pagina.
· Lokaal(pers)bericht of evenement insturen? Dat kan via [email protected].
Adverteren op Sittard-Geleen.nieuws.nl? De bezoekersaantallen blijven stijgen, wat onder andere goed is voor de zichtbaarheid van onze adverteerders. Wil jij je naamsbekendheid vergroten?
Wij denken graag met je mee om de reclame-euro zo optimaal mogelijk te besteden. Door lokaal te adverteren op Sittard-Geleen Nieuws tegen een concurrerende prijs! Neem contact op met Paul Storms via de telefoon: 06-22543972 of via de mail: [email protected].
De nieuwsredactie is te bereiken via [email protected].
